வாழ்க சுதந்திரம்..வாழ்க பாரத மணித்திருநாடு ..

அய்யா பாரதி, 
வீர சுதந்திரம் வேண்டி நின்றார் பின்னர் வேறொன்றை நாடுவாரோ என்று சொன்னாய்.
முழங்கிவரும் பீரங்கிகளைக் கண்டு நடுங்காமல் அந்நிய ஆதிக்கத்தை எதிர்த்து நெஞ்சை நிமிர்த்தி போராடிப் பெற்ற சுதந்திரத்தை, சுதந்திரமாக கொண்டாட இன்று வழியில்லை. வாழ்க சுதந்திரம் ..
வீட்டை விட்டு வெளியேற சுதந்திரம் இல்லை. வாழ்க சுதந்திரம் ..
நல்லது கெட்டதில் கலந்து கொள்ள சுதந்திரம் இல்லை .. வாழ்க சுதந்திரம் ..
முகத்தை மூடிக்கொண்டு அடைபட்டுக் கிடக்கிறோம்.  வாழ்க சுதந்திரம் ..
எதிர்த்து நிற்கும் பகைவனைவிட ஒளிந்து நிற்கும் எதிரி என்றுமே ஆபத்தானவன் என்பார்கள் 
கண்ணுக்குத் தெரியாத எதிரி மட்டுமல்ல, கிருமியும் ஆபத்தானது என்பதை இன்றைய உலகம் புரிந்து கொண்டுள்ளது.
நேற்றைய தினம் வரை தேசம்விட்டு தேசம் போக, இருநாட்டின் அனுமதி தேவை.  இன்றோ ஒரு தேசத்திற்குள்ளேயே ஊர் விட்டு ஊர் போக "மால் " வெட்ட வேண்டும். ஒரு மாவட்டம் போக அனுமதிக்கும். போக நினைக்கிற மாவட்டமோ அனுமதி மறுக்கும். அருமையான அதிகாரிகள். அருமையான நிர்வாகம். வாழ்க சுதந்திரம் ..
எல்லாம் வல்ல இறைவா ... என்று தணியும் எங்கள் சுதந்திர தாகம்.
வாழ்க பாரத மணித்திருநாடு .. வாழ்க சுதந்திரம்... வாழிய வாழிய வாழிய வாழியவே