புதிர்எண்-11 ன் விடை- விதைநெல்
ராமன் கையிலிருந்ததன் முதல் எழுத்து - வி (ல் )
அனுமன் கையிலிருந்த ஒன்றின் கடைசி எழுத்து - தை (கதை )
அரிசிக்கு ஆதாரமான பொருள் - நெல்
இனி இந்த வாரப் புதிருக்கு விடை தேடுங்கள்.
புதிர் எண் - 12
" அடுத்த வாரம் தேர்வுகள் ஆரம்பிக்கப் போகுது. நீ எப்படி பீல் பண்றே ? " என்று ஷங்கர் கேட்க " செம ஜாலி. தேர்வு முடிஞ்சா லீவாச்சே" என்ற ரவி " ஆமாம் நீ எப்படி பீல் பண்றே ? " என்று கேட்டான். அதை வாயால் சொல்லக் கூட எனக்குப் பயமாயிருக்குது. நான் சொல்றதை வச்சு நீயே கண்டு பிடி " என்ற ஷங்கர், " முதல் இரண்டு எழுத்து பார்வையைக் குறிக்கும். 1,3 மற்றும் 4ஆம் எழுத்து சேர்ந்தால் ஒரு இசைக் கருவியின் பெயர் வரும். இனிமே நீயே கண்டுபிடி " என்று சொல்ல, சிறிது நேரம் யோசித்த ரவி " ஓஹோ ,, ஆசியா , ஐரோப்பா, அண்டார்டிக்கா .. ரகமா ? " என்று கிண்டலாகக் கேட்டு சிரித்தான். ரவி கண்டு பிடித்த பதிலை நீங்கள் சொல்லுங்கள் பார்க்கலாம்.
No comments:
Post a Comment