நாமும் கொஞ்சம் யோசித்துப் பார்ப்போமா ?

	செல்வத்தை சேர்ப்பதற்காக நாம் செய்யவேண்டிய சிறுமைத் தனங்களை நினைத்துப் பார்த்தால்,  பல  வேளைகளில், செல்வமே இல்லாமல் இருப்பது மேல்  என்று தோன்றுகிறது.
	மலையானது புயலுக்கு அசைவதில்லை; அறிவாளிகள் புகழ்ச்சிக்கு   மயங்க மாட்டார்கள்
	நாளை,  நாளை  என்று சோம்பேறிகள் மட்டுமே சொல்வார்கள் ; இன்றைய நாளின்அருமையை  உணர்ந்தவர்கள் இதோ உழைத்துக் கொண்டே  இருக்கிறார்கள்
	கேடு கெட்ட செயல்களை செய்பவர்கள் தங்களது  செய்கைக்கு காரணம்  தேடிக் கொண்டிருப்பார்கள் ;   நல்லவர்கள், தங்களை அறியாமலே நடந்து விட்ட தவறுக்காகக்கூட வருந்திக்  கொண்டிருப்பார்கள்
	ஆயிரம் நண்பர்கள் இருப்பதில்  எந்த பெருமையும்  இல்லை.  ஒரு எதிரி கூட முளைத்து விடாமல் பார்த்துக் கொள்வதில்தான் உண்மையான பெருமை  இருக்கிறது
	நம்முடைய வயது என்பது ஒரு சாதாரண எண்தான்; திறமையாக  செயல்பட மனம்  இளமையோடு தூய உணர்வோடு இருக்க வேண்டும் .
	நமக்கு தொல்லை கொடுப்பவர்களை மன்னிப்பது  மிக மிக நல்ல குணம்;  அதை ( தொல்லைகளை )  மறந்து விடுவது மிக உயர்வான குணம் !
	முன்னேற்றதிற்கு முடிவு என்பதே கிடையாது;  ஒவ்வொரு நாளும் நாம் செய்வதை  மேலும் மேலும் சிறப்பாக செய்ய கற்றுக்கொள்ள வேண்டும்
	வாழ்க்கையை வளமாக்க விரும்பினால் ஒரு  வினாடி நேரத்தைக்கூட வீணடிக்கக்  கூடாது.  காலத்தால் நெய்யப்பட்டதுதான் வாழ்க்கை
	இக்கட்டான நேரங்களில் உங்களுக்கு தேவையான ஆலோசனைகளை அறிவாளிகளிடம் கேட்காதீர்கள்; அனுபவசாலிகளைக் கேளுங்கள்..

-- 3