Dear viewers
மின் விளக்குகள் வீடுகள் தோறும் வருவதற்கு முற்பட்ட காலத்தில், பெரியவர்களுக்கான பொழுது போக்கு, வீட்டு வாசலில் பாய் விரித்து உட்கார்ந்துகொண்டு அக்கம் பக்கத்தினருடன் ஊர் விவகாரங்களை, சினிமா செய்திகளை பேசி அரட்டை அடிப்பதுதான்.குழந்தைகள் சினிமா பாடல்களை பாடியும், சில சமயம் ஏதாவது புதிர்களை சொல்லி விடை கண்டுபிடிக்க சொல்லியும் பொழுதைக் கழிப்பார்கள். ஏதாவது ஒரு வார்த்தையை சொல்லி, அந்த வார்த்தைக் குள் எத்தனை வார்த்தைகள் இருக்கிறதென்று கண்டுபிடிக்க சொல்வார்கள்.
கொரோனாவால் வீட்டுக்குள் அடைந்து கிடக்கும் குழந்தைகள் படிக்கும் நேரம் தவிர மற்ற நேரங்களில் மொபைலில் முகம் புதைத்து இருக்க விடாமல், அதே சமயம் பொழுதும் உபயோகமாக இன்ட்ரெஸ்ட்டாக இருக்கும் விதத்தில் இது போன்ற புதிர்களை அவர்களுக்கு அறிமுகப் படுத்தலாம். அதிகப்படியான வார்த்தைகளை தமிழ் சொற்களை அவர்கள் தெரிந்து கொள்ள உதவியாக இருக்கும்.
உதாரணமாக "உபாதை" என்ற வார்த்தையில் இடம்பெற்றது மூன்றே மூன்று எழுத்துக்கள் என்றாலும், இந்த ஒரு வார்த்தையில் ஐந்து வார்த்தைகள் உள்ளன.1 உ (சுட்டெழுத்துக்களில் ஒன்று . (அ, இ, உ - இம்மூன்றும்
சுட்டெழுத்துக்கள் )
2 பா - பாட்டு
3 தை - மாதம், துணி தைத்தல்
4 உதை - இதற்கு அர்த்தம் சொல்லவேண்டிய அவசியமே இல்லை
5 பாதை - வழி
இதே போல ஆங்கில வார்த்தைகளிலும் புதிர் போடலாம். இதே தளத்தில் அதுபோன்ற புதிர்கள் on-line puzzle ஆக பதிவு செய்யப்பட்டுள்ளது .
முயற்சி செய்து பாருங்கள்.
இதே பாணியில் மேலும் சில புதிர்கள் இப்பகுதியில் வெளியாகும்.
புதிர் - 001
"வாழ்த்துக்கள்" என்ற ஒரு வார்த்தையில் ஒன்பது வார்த்தைகள் உள்ளன. அவற்றைக் கண்டுபிடியுங்கள்.
விடை அடுத்த வாரம்.
No comments:
Post a Comment