புதிர் எண் - 24 ன் விடை - ரொம்பவும் யோசிக்காதீங்க குட்டீஸ்.. ஒன்று , இரண்டு என்று எண்களின் வரிசையை உங்களால் எவ்வளவு சொல்ல முடியுமோ அவ்வளவு சொல்லி அசத்துங்க. சொல்கிற சக்தி உங்களுக்கும், கேட்கிற பொறுமை எதிராளிக்கும் இருந்தால், நீங்கள் , லட்சம் , கோடி , அதுக்கும் மேலே என்று சொல்லிக் கொண்டே போகலாம். ஏனென்றால் எண்களின் வரிசையை தமிழில் சொல்லும்போது இந்த 5 உயிரெழுத்துக்களும் இல்லாததை நீங்கள் அறிய முடியும் .
பேச்சு வழக்கில் சொல்லப் படும் ஓராயிரம் , ஈராயிரம் மட்டும் இதற்க்கு விதி விலக்கு. இனி இந்த வார புதிருக்கு விடை தேடுங்கள்.
புதிர் எண் - 25
"அப்பா எங்கள் ஸ்கூலில் மாறுவேடப் போட்டி நடத்தப் போறாங்க. நான் செலெக்ட் பண்ணியிருக்கிற வேடம் "மலை எலி". அதற்க்கான டிரஸ், டயலாக் எல்லாம் ரெடி பண்ணித் தரணும் " என்று விவேக் சொல்ல, " ஓகே " என்றார் அப்பா. இவர்கள் பேசுவதைக் கவனித்துக் கொண்டிருந்த விவேக்கின் தம்பி கிரீஷ் " மலை எலி என்ன வசனம் பேசும் ? " வியப்புடன் கேட்டான். அதற்க்கு " உங்கள் அம்மாதான் ஹிஸ்டரி டீச்சர் ஆச்சே. மலை எலி என்றால் யார் என்று உங்க அம்மாகிட்டே கேள் " என்றார் அப்பா. கிரீஷ் அம்மாவிடம் கேட்க, அம்மா சொன்ன பதிலைக் கேட்டுவிட்டு, " மலை எலிக்கு பேச நிறையவே வாய்ப்பு இருக்கிறது " என்றான் கிரீஷ் . இப்போது கேள்வி என்னவென்றால் " யார் அந்த மலை எலி ? ".
No comments:
Post a Comment