ராமு தாத்தாவும் குழந்தைகளும் ( 04 )

ஹாய் குட்டீஸ்,
சென்ற வார புதிரின்  (புதிர் எண் - 03  ) விடை -   நலம்.நலம் அறிய ஆவல். 

                                                           இன்று மாலை, மாலை ஒன்று வாங்கி வா.

                                  அவன் வரும் பொழுது , பொழுது நன்கு புலர்ந்திருந்தது. 

இனி இந்த வாரப் புதிருக்கு விடை தேடுங்கள் :

புதிர் எண் - 04. 

தெருவில் விளையாடிக் கொண்டிருந்த வேலனை அழைத்து அவனிடம் நூறு ரூபாய் நோட்டைக் கொடுத்து, "ஓடிப் போய் இரண்டு கிலோ அரிசியும் அரை கிலோ உளுந்தும் வாங்கிட்டு வா, அவசரம் " என்று ராமு தாத்தா சொல்ல, "பக்கத்து டவுனில் இன்னிக்குப் புதுக்கடை திறக்கிறாங்க. அங்குபோய் வாங்கிட்டு வரேன்"என்று சொல்லி ஓடிய வேளாண் அடுத்த அரைமணி நேரத்தில் வாங்கி வந்த பொருளை தாத்தாவிடம் கொடுத்து விட்டு ஓடத் தயாரானான்.

" நில்லுப்பா. எது எது என்ன விலைன்னு சொல்லிட்டுப் போ " என்ற  தாத்தாவிடம் , அரிசியைக் காட்டி ' இது  பதினஞ்சு ஆட்டுக்கால், பருப்பு இருபது மாட்டுக் கொம்பு, கடை புதுசா திறக்கிறதாலே கல்கண்டு விலை தான்  குதிரைக் கொம்பு  " என்ற பதில் வந்தது வேலனிடமிருந்து.

"எல்லாருமே புதிரிலே பேச ஆரம்பிச்சிட்டீங்களா. நல்லதுதான் . இந்தா இந்த குதிரைக் கொம்பை நீயே வச்சுக்கோ " என்று கல்கண்டு பாக்கெட்டை வேலனிடம் கொடுத்தார்  தாத்தா.

இப்போ கேள்வி என்னவென்றால், பொருட்களின் விலையாக வேலன் சொன்னது என்ன ?