கேள்வி இங்கே இருக்கிறது ! பதில் யாரிடம் இருக்கிறது ?

அனைவருக்கும் தமிழ்ப் புத்தாண்டு நல்வாழ்த்துக்கள் !!
கேள்வி எண் : 3
தமிழ் எழுத்துக்கள் தொடர்பான எனது சந்தேகம் ஒன்று.. இது இன்று வந்த சந்தேகமல்ல. படிக்கத் தொடங்கிய காலத்திலிருந்தே என்னைத் துரத்தும் கேள்வி இது. தமிழில் - க, ச, ப என்ற எழுத்துக்கள்  உச்சரிப்பு சம்பந்தமான   சந்தேகம் இது.
ஆங்கிலம், ஹிந்தி மொழிகளில் இதை உச்சரிக்க தனிதனி எழுத்துக்கள் உண்டு .
" க " என்பதை ஆங்கிலத்தில் ka kha ga gha என்று எழுதுவதைக் கொண்டு மாறுபட்ட உச்சரிப்பை பயன்படுத்த முடியும்.  
" க " என்பதை ஹிந்தியில்  क  खा  घ என்று எழுதுவதைக் கொண்டு 
மாறுபட்ட உச்சரிப்பை பயன்படுத்த முடியும்.
இதே போல  ச , ப போன்ற எழுத்துக்களுக்கு உச்சரிப்புக்கேற்ற  வடிவம் உண்டு. 
இந்த தமிழ்  எழுத்துக்களின் - அதாவது க, ச, ப  என்ற எழுத்துகளைக் கொண்டு வருகின்ற வார்த்தைகளுக்கான சரியான உச்சரிப்பு நிறைய பேருக்குத் தெரியாது .
பல்லி, பம்பரம் என்ற வார்த்தைகளை நான் PALLI, PAMBARAM என்று உச்சரிப்பேன் . எனது தோழி BALLI,  BAMBARAM என்று உச்சரிப்பாள். இருவரும் ஒருவரை மற்றவர் கேலி செய்வோம், சொல்லின் உச்சரிப்பு குறித்து. சரியான உச்சரிப்பு எது என்பது இரண்டு பேருக்குமே தெரியாது . 
ல ள ழ  என்ற தமிழ் எழுத்துக்களில் " ழ " என்பதை ஆங்கிலத்தில் " zha " என்று எழுதுகிறோம்.
மற்றபடி ல, ள என்பதைப் பொதுவாக " LA " என்றே எழுதுகிறோம்.இதை வேறுபடுத்திக் காட்டுவது எப்படி என்பது யாருக்காவது தெரியுமா ?
விஷயம் தெரிந்தவர்கள் சொல்லுங்களேன்.
பதில் தெரிந்தவர்கள் மெயில் அனுப்பலாம்